Kür çayı sürətlə quruyur.
Bu barədə İnterpress.az-a Salyan şəhər sakinləri məlumat verib.
Onların sözlərinə görə, çayda suyun səviyyəsinin aşağı düşmə dinamikası o qədər sürətlə gedir ki, bu templə çayda sudan əsər-əlamət qalmayacaq.
Sakinlər Kür çayının ekoloji fəlakətlə üzləşdiyini bildiriblər.
Onlar mütəxəssislərin rəyinə əsasən, Mingəçevir Su Anbarından suyun axıdılması yolu ilə Kürdə ekoloji fəlakətin qarşısının alınmasının mümkünlüyünü söyləyiblər.
