Nigeriyada heyvandarlıq və əkinçiliklə məşğul olan fermerlər arasında zaman-zaman qarşıdurmaların yaşandığı Benue əyalətində silahlı hücumlarda 25 nəfər həyatını itirib.
Bu barədə İnterpress.az xarici mediaya istinadən xəbər verir.
Katsina-Ala rayonunun prezidenti Atera Alfred silahlı şəxslərin Benue əyalətinin Katsina-Ala rayonunun müxtəlif kəndlərinə hücumlar təşkil etdiyini bildirib.
Alfred qeyd edib ki, hücumlarda ən azı 25 nəfər həyatını itirib, çox sayda insan isə yaralanıb.
Benue polisinin sözçüsü Catherine Anene təhlükəsizlik qüvvələrinin bölgəyə göndərildiyini və istintaq başladıldığını bildirib.
Nigeriyanın şimalı heyvandarlıqla məşğul olan fulanilər ilə əkinçiliklə məşğul olan bəzi qəbilələr arasında ara-sıra şiddətli qarşıdurmalara səbəb olur.
Köçəri Fulani iddia edir ki, fermerlər heyvanlarını oğurlamağa çalışıb və onlara hücum ediblər.
