2019-cu ildə yanan tarixi Notr-Dam kilsəsinin bərpası hələ tamamlanmayıb.
Bu barədə İnterpress.az xarici mediaya istinadən xəbər verir.
Fransanın paytaxtı Parisdə 2019-cu il aprelin 15-də baş verən yanğında zərər görən tarixi Notr-Dam kilsəsində 4 il keçməsinə baxmayaraq, bərpa işləri hələ də tamamlanmayıb.
Əsası 1163-cü ildə dövrün papası tərəfindən qoyulan və 3 əsr davam edən kafedralın bərpasının 2024-cü ilin sonuna qədər başa çatdırılması gözlənilir.
Parisin simvollarından biri olan və dünyanın hər yerindən milyonlarla turistin ziyarət etdiyi 860 illik tarixi bina 2019-cu il aprelin 15-də baş verən və səbəbi hələ də məlum olmayan yanğında zədələnmişdi.
