Odessada kişi arvadının sevgilisini döyərək öldürüb.
İnterpress.az xəbər verir ki, bu barədə Ukrayna mediası məlumat yayıb.
Odessada 41 yaşlı hərbçi həyat yoldaşının 55 yaşlı sevgilisinin evinə gedib. İlkin məlumata görə, tərəflər arasında qısqanclıq zəminində mübahisə yaranıb və mübahisə zamanı 41 yaşlı kişi digər şəxsi ağır şəkildə döyüb.
55 yaşlı kişi aldığı xəsarətlərdən hadisə yerində ölüb.
Şahidlərin sözlərinə görə, hadisə zamanı hərbçinin həyat yoldaşı da döyülüb. Qadın sağ qalsa da, ciddi xəsarətlər alıb.
Hadisə ilə bağlı araşdırma aparılır.
Xuraman Etibarlı
İnterpress.az
