“İsrail ordusunun Qəzzaya quru əməliyyatına hazır olduğu rəsmi şəkildə açıqlanıb”.
İnterpress.az xəbər verir ki, bunu siyasi şərhçi Asif Nərimanlı bildirib.
“Əməliyyatın gecikməsi müxtəlif səbəblərlə əlaqələndrilsə də, misal üçün, hava şəraitinin uyğun olması və s – bu, daha çox ABŞ və Britaniyanın dəstəyinin alınmasından qaynaqlanırdı. Bayden və Sunakın səfərindən sonra müttəfiqlərinin İsrailə “yaşıl işıq” yandırdığı görünür. Quru əməliyyatı İsrail üçün asan olmayacaq, bunu özləri də etiraf edir. Həmasın 30-40 minlik silahlı dəstəsi var və Qəzzanın altında hörümçək toruna bənzər tunellər qazıblar. Ərəb mediası Qəzzanın İsrail üçün bataqlıq ola biləcəyini yazır. Misal üçün, Əl-Cəzirə Stalinqrad ssenarisinin baş verə biləcəyini proqnozlaşdırır. Belə ssenari müharibənin uzanacağı və döyüşlərin regional miqyasa keçə biləcəyi riskini yaradır”, – o əlavə edib.
