Rusiya Xarici İşlər Nazirliyinin sözçüsü Mariya Zaxarova Qərbin Ukraynaya xəyanət etdiyini və Ukrayna xalqının etibarından istifadə etdiyini bildirib. Bu barədə İnterpress.az xarici mediaya istinadən xəbər verir. O, ukraynalıların Qərbə güvəndiyini, lakin aldadıldıqlarını söyləyib. Rusiya Xarici İşlər Nazirliyinin sözçüsü Mariya Zaxarova paytaxt Moskvada cari məsələlərlə bağlı həftəlik mətbuat konfransı keçirib.
Rusiya ilə Ukrayna arasında gizli sülh danışıqlarının aparıldığı və İngiltərənin Rusiya ilə sülh danışıqlarında Ukrayna prezidenti Vladimir Zelenskiyə təzyiq etdiyi iddiaları ilə bağlı sualı cavablandıran Zaxarova bu mövzuda heç bir məlumatı olmadığını bildirib.
Zaxarova deyib: “Bu, Qərbdəki bəzi elit qrupların gizli istəyi ola bilər. Bəlkə bununla sülh prosesini təşviq etmək istəyirlər. Ola bilsin ki, özlərini sülhməramlı tərəf kimi təqdim etmək üçün informasiya mühitində əsaslandırma yaratmaq istəyirlər. Deyə bilmərəm ki, bu nə ilə bağlıdır. Belə bir məlumatım yoxdur. Amma Qərb ölkələri, xüsusən də ABŞ və Böyük Britaniya Kiyev rəhbərliyinə Rusiya ilə sülh danışıqlarını davam etdirməsini qadağan edib:
“Onlar (Qərb ölkələri) Ukrayna məsələsinin bitməsini istəmirlər. Onlara bu hekayənin hansısa formada davam etməsi lazımdır. Anti-Ukrayna kampaniyasının arxasında duran Rusiya və Anqlosakson dueti çevrilişlər etməklə bu münaqişələri qızışdırıb, sonra isə imkan vermədilər. Ukrayna danışıqlar yolu ilə getməlidir. Hamı başa düşür ki, Qərb Ukrayna xalqının etimadını həyasızcasına istifadə edərək, Ukraynaya xəyanət edib. Onlar (ukraynalılar) Qərbə etibar ediblər. Qərb isə onları həyasızcasına aldadıb”.
“Rusiya ilə NATO arasında birbaşa münaqişə riski artır”
NATO-nun Ukraynaya təyyarə göndərilməsi məsələsinə də toxunan Zaxarova deyib ki, Ukrayna ordusunun tərəfində qarşıdurmalarda iştirak edən döyüş təyyarələri Rusiya Silahlı Qüvvələri üçün məhv ediləcək qanuni hədəflərdir.
Zaxarova bildirib ki, Rusiya ilə NATO arasında birbaşa münaqişə riski artır.
