Şimali Koreya casus peykini orbitə buraxacağı barədə Yaponiya hökumətinə məlumat verib.
Bu barədə İnterpress.az xarici mediaya istinadən xəbər verir.
Bildirilib ki, buraxılış 31 may-11 iyun tarixləri arasında olacaq.
Şimali Koreya ilk casus peykini sınaqdan keçirib.
Şimali Koreya 2022-ci il dekabrın 19-da ilk casus peykinin hazırlanmasında son mərhələ olaraq görülən sınaq peykini orbitə çıxardığını açıqlayıb.
Casus peyk Şimali Koreya lideri Kim Çen Inın 2021-ci ilin əvvəlində partiya toplantısında həyata keçirməyi planlaşdırdığını açıqladığı qabaqcıl hərbi texnologiya məhsulları arasındadır.
Bunlara çoxbaşlı raketlər, bərk yanacaqla işləyən uzaqmənzilli raketlər, sualtı qayıqlardan buraxılan nüvə raketləri və nüvə enerjisi ilə işləyən sualtı qayıqlar daxildir.
Şimali Koreya lideri Kim Çen In aprelin 19-da ölkənin ilk hərbi casus peykinin orbitə buraxılması üçün bütün hazırlıqların başa çatdığını elan edib.
