Tramp Ukraynanın münaqişədə qalib gələcəyinə inanmadığını bildirib.
İnterpress.az xəbər verir ki, bu barədə ABŞ prezidenti Donald Tramp jurnalistlərin sualını cavablandırarkən bildirib.
O deyib ki, Ukraynanın müharibədə qalib gələcəyinə şübhə edir.
Jurnalist xatırladıb ki, Tramp əvvəllər Ukraynanın “bəlkə də müharibəni qazanacağını və itirilmiş əraziləri geri qaytaracağını” demişdi.
Tramp isə cavab verib:
“Onlar hələ də qalib gələ bilərlər. Mən demişdim ki, istənilən şeyi qazana bilərlər. Amma müharibə çox qəribə bir işdir. Məncə, bunu etməyəcəklər.”
Trampın açıqlaması Ukrayna münaqişəsinin gələcəyi və regiondakı vəziyyətlə bağlı debatlarda geniş müzakirələrə səbəb olub.
Xuraman Etibarlı
İnterpress.az
