Yeni Azərbaycan Partiyasının (YAP) Kəlbəcər rayon təşkilatının sədri Həbib Misirov özünə “Tik-Tok” səhifəsi açıb.
İnterpress.az xəbər verir ki, YAP funksionerinin “Tik-Tok” sosial şəbəkəsindən istifadəsi ictimaiyyətdə birmənalı qarşılanmayıb.
Maraqlı olan odur ki, məhdud ictimaiyyətin tanıdığı H.Misirov “Tik-Tok” hesabının adına, adətən, şou-biznes nümayəndələrinə xas olan “official” ibarəsi də əlavə edib.
Digər maraqlı məqam ondan ibarətdir ki, təşkilat sədri bütün dünyanın “Tik-Tok”dan imtina etməyə hazırlaşdığı, hətta bir sıra ölkələrdə məmurlara istifadəsi qadağan edildiyi bir zamanda bu sosial şəbəkəyə daxil olmağı qərara alıb.
