Yaponiyada Milli Assambleya ölkənin nüvə reaktorlarının 60 illik limitdən artıq işləməsinə icazə verən qanun layihəsini qəbul edib.
Bu barədə İnterpress.az xarici mediaya istinadən xəbər verir.
Enerji təchizatında özünü təmin etməyi və karbon emissiyalarını azaltmağı hədəfləyən Yaponiya nüvə reaktorlarının ömrünü uzatmaq qərarına gəlib.
Assambleyanın növbəti iclasında ölkədə nüvə reaktorlarının hazırkı 60 illik istismar müddətini uzatmaq üçün qanun layihəsi qüvvəyə minib.
Qanun çərçivəsində ölkədəki nüvə reaktorlarının effektiv işləmədiyi istismar müddətləri də ümumi istismar müddətindən kənarda sayılacaq.
Nüvə Tənzimləmə Şurası (NRA) reaktorların vəziyyətini 30 ildən çox, hər 10 ildən bir yoxlayacaq və Sənaye Nazirliyi müddətin uzadılmasını təsdiq edəcək.
Baş nazir Kişida Fumio hökumətə ölkənin nüvə enerjisi obyektlərindən ən səmərəli və maksimum istifadə etməyin yollarını araşdırmağı tapşırıb.
2011-ci il zəlzələsindən sonra Yaponiya hökuməti nüvə reaktorlarının istismar müddətini prinsipcə 40 il, təhlükəsizlik standartlarına əməl olunarsa 60 ilə məhdudlaşdırıb.
2011-ci ilin mart ayında 9 bal gücündə zəlzələ və ondan sonra baş verən sunami fəlakəti nəticəsində şimal-şərq bölgələrində 15 min 900 adam həyatını itirib.
Fukusima Dai-içi Atom Elektrik Stansiyasının reaktorunda baş vermiş fəlakət nəticəsində nüvə partlaması səbəbindən stansiyanın ətrafındakı yaşayış məntəqələri boşaldılıb.
