Şimali İrlandiyada regionda geotermal enerji layihələrini inkişaf etdirmək üçün biznes və elmi nümayəndələrdən ibarət konsorsium yaradılıb.
“Geotermal NI” adlanan konsorsiuma Belfast Kraliyyət Universiteti və bərpa olunan enerji, geotermal mühəndislik və mühəndislik dizaynı sahəsində çalışan Böyük Britaniya şirkətləri daxil olub.
Assosiasiya ilk layihəni 2022-ci ildə həyata keçirməyi planlaşdırır.
Konsorsium Yerin enerjisinə – Şimali İrlandiyaya minimal istixana qazı emissiyaları ilə (planeti xilas etmək üçün) davamlı enerji mənbəyi tapmağa kömək etmək üçün bir vasitə kimi baxır.
Geotermal enerji sektorunun gələcəyi ilə bağlı optimist proqnozlara baxmayaraq, konsorsium nümayəndələri etiraf edirlər ki, onların hələ görəcəkləri çox iş var.
