İcra hakimiyyətinin işçisi kimi dələduzluq edən şəxs yenidən hakim qarşısındabackend

İcra hakimiyyətinin işçisi kimi dələduzluq edən şəxs yenidən hakim qarşısında

  • whatsapp
  • messenger
  • telegram
  • vkontakte
  • odnoklassniki

Dələduzluqda ittiham edilən Teyyub Quliyev barəsində olan hökmdən kassasiya şikayəti verib.

İnterpress.az xəbər verir ki, Ali Məhkəməyə müraciət edən T.Quliyev barəsində bəraət hökmünün çıxarılmasını istəyir.

Şikayət hakim Şahin Yusifovun icraatına verilib. Məhkəmənin vaxtı hələlik açıqlanmayıb.

Bakı Ağır Cinayətlər Məhkəməsinin hökmü ilə T.Quliyev 8 il müddətinə azadlıqdan məhrum edilib.

Qeyd edək ki, T.Quliyev Cinayət Məcəlləsinin 178.3.2-ci (külli miqdarda dələduzluq) maddəsi ilə ittiham edilir. İttihama görə, o, özünü Şirvan Şəhər İcra Hakimiyyətinin adamı kimi təqdim edərək müxtəlif şəxslərlə rəsmi sənədlərin hazırlanması xidmətini göstərmək adı ilə vətəndaşlardan pul alıb.

İnterpress.az