FIFA milli komandaların növbəti reytinq cədvəlini açıqlayıb.
İnterpress.az xəbər verir ki, ötən ayla müqayisədə Azərbaycan milli komandası üç pillə geriləyib.
Millimiz hazırda 1177 xalla 114-cü pillədə qərarlaşıb. Hətta Mozambik və Zimbabve kimi millilər yığmamızı qabaqlayıb. Geriləməyə səbəb bu ay yığmamızın Uelsə Bakıda, Slovakiyaya isə Trnavada 0:2 hesabı ilə uduzmasıdır.
Qeyd edək ki, ilk “üçlük”də dəyişiklik olmayıb. Belçika yenə dünya reytinqinə başçılıq edir. Son dünya çempionu Fransa ikincidirsə, futbolun populyar olduğu Braziliya üçüncü sıradadır.
İnterpress.az
