İntetpress.az xəbər verir ki, 61 saylı Neftçala seçki dairəsindən deputatlığa namizəd, Xalq şairi, Vətəndaş Həmrəyliyi Partiyasının sədri Sabir Rüstəmxanlı seçicilərlə növbəti görüşünü keçirib.
Xalq şairinin növbəti görüşü bu gün rayonun Xol Qarabucaq kəndində baş tutub. Yüzdən çox sakinin qatıldığı və olduqca izdihamlı keçən görüşdə kənd ziyalıları, ağsaqqallar çıxış ediblər, Sabir Rüstəmxanlıya məhz Neftçalanı seçdiyinə görə təşəkkür edib, uğurlar arzulayıblar.
Problemlərdən danışan sakinlər Sabir Rüstəmxanlıdan bu problemlərin ölkə rəhbərliyinə çatdırılmasını xahiş ediblər.
Çıxış edənlər Sabir Rüstəmxanlının Azərbaycanın müstəqilliyi uğrunda apardığı mübarizəni və ölkəmizin müstəqilliyinə səs verən tarixi şəxsiyyətlərimizdən biri olmasını xatırladaraq, onunla fəxr etdiklərini qeyd ediblər.
