Çexiya səlahiyyətliləri bütün dünyada Fələstinə dəstək nümayişlərində uzun illərdir istifadə edilən “Çaydan dənizə Fələstin azad olacaq” şüarının istifadəsinin “terror təbliğatı” kimi cəzalandırıla biləcəyini açıqlayıb. Bu barədə İnterpress.az xarici mediaya istinadən xəbər verir. Daxili İşlər Nazirinin mətbuat katibi Klara Dlubalova ölkədə antisemitizmlə mübarizə çərçivəsində müxtəlif qurumların nümayəndələrini bir araya toplayıb. Təhlükəsizlik toplantısından sonra verdiyi açıqlamada bu şüardan istifadənin problemli olduğunu müdafiə edib. HƏMAS-ın 7 oktyabrda İsrailə hücumu kontekstində və cəza tələb edən cinayət elementlərini ehtiva edə bilər.
Dlubalova təklif edib ki, bu cür şüardan istifadə edən hər kəs potensial olaraq terrorizmi dəstəkləmək və təşviq etmək, bir qrup insana qarşı nifrət yaratmaq və ya soyqırımı inkar etmək, sorğu-sual etmək, göz yummaq və ya haqq qazandırmaqda ittiham oluna bilər.
Bu şüarın əksəriyyət tərəfindən İsrail dövlətinin ləğvi üçün istifadə edildiyini iddia edən Dlubalova, polisin şüarın “problemli” olduğunu nümayişlərin təşkilatçılarına əvvəlcədən məlumat verəcəyini bildirib.
Fələstin tərəfdarı Tomas Hoflandın 2021-ci ildə ölkədə keçirilən nümayişdə bu şüardan istifadə etdiyinə görə məhkəmə prosesi başlansa da, məhkəmə ifadələrin birbaşa yəhudiliyi və yəhudiliyi hədəf almadığı səbəbilə fəalı mühakimə etməyi lazım bilməyib.
Oktyabrın 7-dən sonra Almaniyanın Bavariya əyalətində qadağan edilən şüarın Avstriyada nümayişlərdə istifadəsinə icazə verilmir.
