Energetika Nazirliyi yanında İctimai Şuranın yeni tərkibdə formalaşdırılmış ilk iclası keçirilib.
İnterpress.az-ın nazirliyə istinadən verdiyi məlumata görə, iclasda Şuranın fəaliyyətinin təşkilinə dair məsələlər müzakirə edilib, şuraya sədrin seçilməsi ilə bağlı səsvermə keçirilib.
İki il fəaliyyət göstərəcək İctimai Şuraya “İctimai İştirakçılığın Dəstəklənməsi” İctimai Birliyinin sədri Nəsirov Şaban Fəxrəddin oğlu sədr, “Demokratik Cəmiyyət və Qadın Hüquqlarının Müdafiəsi” İctimai Birliyinin sədri Abdullayeva Mehriban Əli qızı sədr müavini, “Ulduz” informasiya – kommunikasiya texnologiyaları sahəsində maarifləndirmə İctimai Birliyinin sədri Həsənov Samir Hüseynağa oğlu isə katib seçilib.
