İsrailin blokadası altında olan Qəzza zolağındakı bombardmanlardan xilas olmaq məcburiyyətində qalan yüz minlərlə fələstinli qarşıdurmada başlayan 4 günlük humanitar fasilədən sonra bölgənin cənub və mərkəzi hissələrindəki evlərini görmək üçün yola düşüb. Bu barədə İnterpress.az xarici mediaya istinadən xəbər verir. İsrail oktyabrın 7-dən Qəzza zolağına tam blokada qoymuşdur. Rabitə və nəqliyyat çox çətinləşib. Bu səbəbdən də Qəzzada yaşayan fələstinlilərin İsrail ordusunun ağır bombardman etdiyi və qurudan girdiyi ərazilərdə yaxınlarını görmək və ya onlarla ünsiyyət qurmaq imkanı olmayıb.
İsrail ordusunun hücumlarından xilas olub sığınacaq mərkəzlərinə toplaşan Qəzza sakinləri geridə qoyduqları evləri və qohumları ilə görüşmək ümidi ilə cənub və orta hissələrə qayıtmağa başlayıblar.
İsrailin Qəzzanın şimalında intensiv bombardmanının yaratdığı böyük dağıntılara baxmayaraq bölgəni tərk etməyən fələstinlilər, 4 günlük humanitar fasilədə hücumlardan sağ çıxan evlərini görməyi ümid edir.
