Türkiyənin Kayseri vilayətinin Kocasinan rayonunda təlim təyyarəsi qəzaya uğrayıb.
İnterpress.az bildirir ki, nəticədə iki pilotun şəhid olduğu bildirilir.
Bu barədə Türkiyə Milli Müdafiə Nazirliyi sosial media hesabında məlumat verib.
Məlumata görə, hadisə yerinə axtarış-xilasetmə və yanğınsöndürmə briqadaları göndərilib, axtarış-xilasetmə işlərinə başlanılıb.
“Kayseridəki 12-ci Hava Nəqliyyatı Baş Baza Komandanlığından təlim üçün havaya qalxan Hərbi Hava Qüvvələri Komandanlığımıza məxsus “SF-260D” tipli təlim təyyarəsi naməlum səbəbdən qəzaya uğrayıb. Axtarış-xilasetmə işlərinə başlanılıb”, – deyə məlumatda bildirilib.
***
11:55
Türkiyədə hərbi təlim təyyarəsi qəzaya uğraması nəticəsində iki pilot həlak olub.
İnterpress.az xəbər verir ki, bu barədə Türkiyə Milli Müdafiə Nazirliyi məlumat yayıb.
