Brennan, Suriya vətəndaş müharibəsində Əsəd hökümətinin çökməsinin xaotik situasiyalara səbəb ola biləcəyini vurğulayıb. İnterpress.az “Japantimes”-a istinadən xəbər verir ki, CİA direktoru, Əsəd rejimi hakimiyyətdən getdikdən sonra iqtidara kimin gələcəyinin qeyri-müəyyən olması Vaşinqtonu narahat etdiyini deyib.
Daha əvvəlki çıxışlarında isə Brennan Suriyada 6 ildən bəri gedən proseslərin ölkənin vahidliyinə təhdit yaratdığını bildirmişdi. Kolorado əyalətində keçirilən “Təhlükəsizlik Forumunda” çıxış edən Brennan, bu müddət ərzində 400 min insanın həlak olduğunu xatırladıb. O qeyd edib ki: “Suriyanın vahid dövlət şəklində qalacağı barədə pozitiv ola bilmirəm, dövlətin təkrar birləşib-birləşməyəcəyini isə bilmirəm”
İnterpress.az
