İnterpress.az xəbər verir ki, Fövqəladə Hallar Nazirliyinin Böhran Vəziyyətlərində İdarəetmə Mərkəzinə Kür çayının Sabirabad rayonu, Narlıq kəndindən keçən hissəsində 1 nəfərin batması barədə məlumat daxil olub.
Dərhal Nazirliyin Dövlət Sularda Xilasetmə Xidmətinin dalğıc-xilasediciləri hadisə yerinə cəlb olunub və vətəndaşın axtarışlarına başlanılıb.
Kür çayında batan şəxsin kimliyi məlum olub.
APA-nın Mil-Muğan bürosunun xəbərinə görə, Kürün Sabirabad rayonu ərazisindən keçən hissəsində batan şəxs rayonun Narlıq kənd sakini 1996-cı il təvəllüdlü Qəhrəmanova Sevanə Polad qızıdır.
Hazırda axtarışlar davam etdirilir.
İnterpress.az
