İnterpress.az xəbər verir ki, bunu Səhiyyə Nazirliyinin Dərman Vasitələrinin Analitik-Ekspertiza Mərkəzinin ekspertiza şöbəsinin müdir müavini Vəfa Əbilova bu gün keçirilən mətbuat konfransında deyib.
Şöbə müdiri qeyd edib ki, dərmanlardan 23 mindən çoxunun idxalı zamanı təqdim edilmiş sənəd və nümunələrində heç bir uyğunsuzluq aşkar olunmayıb: “4000-ə yaxın dərman vasitəsinin idxalı zamanı müəyyən uyğunsuzluq müəyyən edilib. 3000-dən çox dərman vasitələrinin uyğunsuzluqları istehsalçı və idxalçı şirkətlər tərəfindən aradan qaldırılıb”.
Vəfa Əbilovanın sözlərinə görə, dərman vasitələrinin keyfiyyətinin yoxlanılması laboratoriyası tərəfindən il ərzində 28 minə yaxın dərman vasitəsinin analizi aparılıb: “Bunlardan 15 mindən çox dərman vasitəsi müsbət qiymətləndirilib, 5 adda dərman vasitəsinin keyfiyyət göstəriciləri dövlət qeydiyyatı zamanı təsdiqlənmiş normativ sənədlərə uyğun olmadığına görə idxala icazə verilməyib. Bu da öz növbəsində toplam olaraq 33534 ədəd qablaşdırma nəzərdə tutur. 1000-dən çox normativ sənəd hazırlanıb və təsdiq olunub”.
İnterpress.az
