STEP Kompüter Akademiyası –kompüter təhsili üzrə ixtisaslaşmış beynəlxalq təhsil müəssisəsidir. 1999 cu ildən dünyanın 16 ölkəsində 44 filialı olan STEP Kompüter Akademiyasında 600 dən çox müəllim və 20.000 tələbə komandası var. STEP Kompüter Akademiyası ümumilikdə 80.000 dən çox məzun hazırlamış və onların bir çoxu dünyanın 36 ölkəsində yerləşən nəhəng İT şirkətlərində işlə təmin olunublar. STEP Kompüter Akademiyası fevral ayında Azərbaycanda keçirələcək “Qızıl Bayt” çempionatına ev sahibliyi edir. İnterpress.az bununla bağlı həmin çempionatın Azərbaycan üzrə kordinatoru Yusif Qənbərovla müsahibəni təqdim edir.
Sizin akademiyanın Azərbaycan gənclərinin təhsilində nə kimi faydası gözlənilir?
STEP Kompüter Akademiyası Microsoft, Cisco, Autodesk şirkətlərinin səlahiyyətli təhsil mərkəzidir. Akademiyanın tələbələri təhsil müddətində beynəlxalq sertifikatlara ödənişsiz yiyələnirlər
Bizim müəllimlərimiz İT sahəsində çalışan təcrübəli mütəxəssislərdir.Onlar tələbələrə dərsliklərdə yazılmayan bilikləri verirlər. STEP Kompüter Akademiyasının yüksək təhsil prinsipləri aşağıdakı göstəricilər əsasında qurulub.
Müəllimlər İT sahəsinin peşəkarlarıdır və dünyadakı İT sahəsi ilə sıx əlaqələr var.Tədris prosesi müasir avadanlıq və texnologiyalardan istifadə edilərək avtomatlaşdırılıb. Tədrisin metodiki bazası unikal müəllif metodikası əsasında təşkil olunub. Bizim əsas məqsədimiz isə tələbənin uğurunu görməkdir.
-STEP Kompüter Akademiyasını bitirənlərin işlə təminatında nə kimi köməyiniz olur?
Bildiyimiz kimi STEP Kompüter Akademiyası Azərbaycanda fəaliyyətə yeni başlayıb. Amma bizim başqa ölkələrdə təhsil alan məzunlarımız dünyanın 36 ölkəsində yerləşən nəhəng İT şirkətlərində çalışırlar. Onlar yiyələndiyi biliklər əsasında istənilən yerdə çalışmaq imkanı qazanırlar.
Təhsil kursunun sonunda tələbələr STEP Kompüter Akademiyasının beynəlxalq diplomunu və tərəfdaşımız olan nəhəng şirkətlərin beynəlxalq sertifikatlarını əldə edirlər.
-STEP Kompüter Akademiyasının Azərbaycanda keçiriləcək çempionatın kordinatorusuz. Bu çempionatın nə kimi üstünlükləri və faydası olacağını düşünürsüz?
Bu çempionatın Azərbaycanda keçirilməsini mühüm əhəmiyyətləri çoxdur. Bunlardan biri odur ki, İT texnologiyaları sahəsində bir çox dünya yarışlarına sahiblik edən şəxslər juri kimi iştirak edəcək. Ölkəmizin Beynəlxalq arenada tanınmasında belə çempionat və yarışmaların vacib əhəmiyyəti var. Gənclərin öz bilik və bacarıqlarını artırmaq imkanı ilə yanaşı xarici iştirakçıların da fikir və təcrübə mübadiləsini tanımaq imkanları yaranır. Bacarıqlı gənclərin öz qabilliyyətlərini sınamaq və qalib olarsa 20.000 manat pul qazanmaq şansı var.
Aynur Arifqızı
İnterpress.az
