İdarədən İnterpress.az-a daxil olan məlumata görə, martın 31-də özünü Demokratik Qüvvələrin Milli Şurası adlandıran quruma daxil olan partiya və birliklərin Yasamal rayonundakı idman-sağlamlıq kompleksinin stadionunda Bakı Şəhər İcra Hakimiyyəti ilə razılaşdırılmış mitinqi keçirilib.
Saat 15.00-dan 17.00-dək davam edən toplantıda Azərbaycan Xalq Cəbhəsi, Müsavat və Azərbaycan Xalq partiyalarının, Müsəlman Birliyi, “NİDA” hərəkatlarının, eləcə də müxalifətyönümlü bir sıra qeyri-hökumət və gənclər təşkilatlarının ümumi sayı 1200 (min iki yüz) nəfərədək olan üzvü və təəssübkeşi iştirak edib.
İctimai asayişin və hüquq qaydasının kobud şəkildə pozulması halları qeydə alınmayıb.
***
15:00
İnterpress.az azvision.az-a istinadən xəbər verir ki, saat 15:00-a təyin olunan mitinq Bakı Şəhər İcra Hakimiyyətinin razılığı ilə ənənəvi ünvanda – “Məhsul” stadionunda keçirilir.
Qeyd edək ki, radikalların mitinqi müxalifətin digər partiya və təşkilatları tərəfindən boykot edilib.
İnterpress.az
