Aİ-nin Cənubi Qafqaz üzrə xüsusi nümayəndəsi Azərbaycana səfər edəcəkbackend

Aİ-nin Cənubi Qafqaz üzrə xüsusi nümayəndəsi Azərbaycana səfər edəcək

  • whatsapp
  • messenger
  • telegram
  • vkontakte
  • odnoklassniki

Avropa İttifaqının (Aİ) Cənubi Qafqaz üzrə xüsusi nümayəndəsi Toivo Klaar yaxın günlərdə Cənubi Qafqaza, o cümlədən Azərbaycana səfər edəcək.

Bu barədə Aİ Şurası Prezidenti Şarl Mişelin mətbuat katibi Barend Leyts bildirib.

Səfər Ermənistanla Azərbaycan arasında sabitliyin və təhlükəsizliyin təmin edilməsi istiqamətində danışıqların, gələcək sülh müqaviləsi üzrə müzakirələrin davam etdirilməsi, Aİ-nin tərəflər arasında etimadın möhkəmləndirilməsi tədbirlərinə dəstəyi çərçivəsində baş tutacaq.

Barend Leyts Ermənistan və Azərbaycanla bağlı bəyanatında bildirib ki, iki ölkə arasında ötən günlərdə yaşanan gərginlik kontekstində Avropa İttifaqı (Aİ) Şurasının Prezidenti Şarl Mişel qurumun Cənubi Qafqazda yaşayan bütün insanların rifahı naminə təhlükəsiz, sabit, dinc və firavan regionu təşviq etmək üçün hər iki ölkə ilə əməkdaşlığı dərinləşdirməyə sadiq olduğunu bir daha vurğulayıb.

Qeyd olunur ki, Şarl Mişel əhalinin sülhə hazırlanmasının vacibliyini önə çəkib. O, İrəvan və Bakı rəhbərliyini alqışlayıb, danışıqların davam etdirilməsi üçün əlverişli atmosferin təmin edilməsində xoş niyyətlə iştirak etmək niyyətini bəyan edib və Aİ-nin etimadın möhkəmləndirilməsi tədbirlərinə dəstəyini artırmağa hazır olduğunu bildirib.

Aİ-nin xüsusi nümayəndəsi Toivo Klaarın yaxın günlərdə regiona səfəri müzakirə olunan bütün aspektləri izləmək məqsədi daşıyır.