ABŞ-da fəaliyyət göstərən Politico nəşri, Almaniyanın İsrailin Qəzzaya etdiyi hücumlardan sonra Birləşmiş Millətlər Təşkilatının şəhəri nəzarətə götürməsini təklif etdiyini yazıb. Bu barədə İnterpress.az xarici mediaya istinadən xəbər verir. Amerika mərkəzli Politico, Almaniyanın hazırladığı, Qəzzanın gələcəyi ilə bağlı ssenarilərin yer aldığı 2 səhifəlik qeyri-rəsmi sənədi nəzərdən keçirib. qiymətləndirilib.
Sənəddə deyilir: “Biz İsrailin məqsədini bölüşürük: HƏMAS bir daha İsraili və onun vətəndaşlarını terror edəcək vəziyyətə salmamalıdır”.
Sənəddə İsrailin Qəzzanı yenidən işğal etməsi, Fələstini və ya Misirin Qəzzaya nəzarəti ələ keçirməsi kimi ssenarilər müzakirə edilib və Fələstin və Misirin belə bir məsuliyyət istəmədiyi, İsrailin Qəzzada olmasının siyasi baxımdan arzuolunmaz olduğu vurğulanıb.Sənəddə Birləşmiş Millətlər Təşkilatının ( BMT) Qəzzəyə nəzarəti ələ keçirmək “Qəzzənin BMT-nin çətiri altında beynəlmiləlləşməsi” mənasını verəcək və bu nöqtədən sonra “diqqətli keçid prosesi” olacaq.
Fələstin diplomatının bəyanatı: “Bu təklif qəbuledilməzdir”
Fələstinin BMT missiyası nümayəndəsi Abdalrahim Alfarra, Politico-ya verdiyi açıqlamada, BMT-nin Qəzzaya nəzarəti ələ keçirməsinin “qəbuledilməz” olduğunu bildirib.
BMT-nin vəzifəsinin sərhədləri qorumaq və iki dövlətli həll üçün çalışmaq olduğunu bildirən Alfarra, bu sənədlə bağlı Fələstin rəhbərliyi ilə heç bir məsləhətləşmənin aparılmadığını qeyd edib.
