Azərbaycan Turizm və Menecment Universitetində dərslər axşam keçiriləcək.
Bu barədə İnterpress.az-a tələbələr məlumat verib.
Qeyd olunub ki, tərtib olunmuş yeni dərs cədvəli ilə bağlı universitetin tyutorundan magistraturada təhsil alan tələbələrə mesaj göndərilib.
Mesajda yeni cədvələ əsasən 1,2,3,4-cü günlər birinci dərs saatının 18.30-19.50, ikinci dərs saatının isə 20.00-21.20 aralığında keçiriləcəyi ilə bağlı məlumat əks olunub.
Qeyd edək ki, dərslərin axşam saatlarına salınması magistrantlar arasında birmənalı qarşılanmayıb və narazılığa səbəb olub.
