Bu ilin yanvar-oktyabr aylarında Azərbaycanda əhaliyə göstərilən ödənişli xidmətlərin dəyəri 2022-ci ilin eyni dövrü ilə müqayisədə 15,3 % artaraq 9 milyard 087,1 milyon manat təşkil edib.
İnterpress.az xəbər verir ki, bu barədə Dövlət Statistika Komitəsi məlumat yayıb.
Bildirilir ki, bunun 6 milyard 895,6 milyon manatlıq hissəsi hüquqi şəxslərə məxsus olub ki, bu da, xidmətlərin ümumi dəyərinin 75,9 %-ni təşkil edib.
Hesabat dövründə ödənişli xidmətlərin dəyərinin 2 milyard 007,7 milyon manatı dövlət, 7 milyard 079,4 milyon manatı qeyri-dövlət sektorunun payına düşüb.
İl ərzində hər bir ölkə sakini orta hesabla 895,2 manatlıq və yaxud 1 il əvvələ nisbətən 177,1 manatdan çox dəyərdə müxtəlif ödənişli xidmətlərdən istifadə edib.
