ABŞ Prezidenti Cozef Bayden cümə axşamı günü NATO-nun baş katibi Yens Stoltenberq ilə alyansın 28-30 iyunda Madriddə keçiriləcək sammitinə hazırlığı müzakirə edəcək.
Bu barədə çərşənbə günü jurnalistlər üçün keçirdiyi növbəti brifinqdə Ağ Evin mətbuat katibi Karin Jan-Pyer bildirib.
“Prezident sabah Ağ Evdə NATO-nun baş katibi Stoltenberq və özünün milli təhlükəsizlik üzrə müşaviri Ceyk Sallivan ilə görüşəcək. Onlar NATO-nun Madriddə keçiriləcək sammitinə hazırlıq və transatlantik alyansımızın gücünü müzakirə edəcəklər”, – o deyib.
