Cənubi Koreya 1950-1953-cü illər arasında baş verən Koreya müharibəsində həyatını itirən 25 Çin əsgərinin qalıqlarını geri qaytaracağını açıqlayıb. Bu barədə İnterpress.az xarici mediaya istinadən xəbər verir. Müdafiə Nazirliyi gələn həftə İncheon Beynəlxalq Hava Limanında qaytarılması üçün mərasimin keçiriləcəyini qeyd edib.
Nazirlikdən bildirilib ki, Müdafiə Nazirliyi, Çin ilə dostluq əməkdaşlığı çərçivəsində Cənubi Koreyada cəsədləri çıxarılan Çin əsgərlərinin qalıqlarını geri qaytarmağa davam edəcək.
Müvafiq olaraq, 25 Çin əsgərinin qalıqlarının öz ölkələrinə göndəriləcəyi gələn həftə 10-cu ekstradisiya prosesi baş tutacaq.
Cənubi Koreya 2014-cü ildə imzalanan repatriasiya layihəsi çərçivəsində indiyədək 913 Çin əsgərinin qalıqlarını geri qaytarıb.
