Keçən həftədən bəri daşqınların yaşandığı Fransanın Pa-de-Kale şəhərində yağışların təsirinin artması səbəbindən 388 məktəbdə təhsilin 2 gün müddətinə dayandırıldığı açıqlanıb. Bu barədə İnterpress.az xarici mediaya istinadən xəbər verir. Mətbuatda yer alan xəbərlərdə noyabrın 7-dən bəri sular altında qalan bir çox qəsəbədə həyatın normala dönməsi üçün işlərin davam etdiyi bildirilib.
Həftə sonu yağan leysan yağışları səbəbindən sel təhlükəsi ilə əlaqədar 279 qəsəbədə 388 məktəbdə təhsilin 2 gün müddətinə dayandırıldığı açıqlanıb.
Elektrik və su kəsilmələrinin davam etdiyi bölgədə qrupların təxliyə cəhdlərini qeyri-kafi görən onlarla fermer traktorları ilə etiraz edib.
Bölgəyə çıxışı təmin edən yollardan birini bağlayan fermerlər səlahiyyətlilərdən böhranı daha yaxşı idarə etməyi və işləri sürətləndirməyi xahiş ediblər.
“Ciaran” fırtınasından sonra noyabrın 7-də bölgədə “fövqəladə daşqın” xəbərdarlığı edilib və həyəcan siqnalı qırmızıya yüksəlib.
