Hindistan Pakistandan uçuşlar üçün hava məkanını bağlayıb.
İnterpress.az xəbər verir ki, bu barədə NDTV məlumat yayıb. Hindistan aprelin 30-dan mayın 23-dək Pakistandan bütün uçuşlar üçün hava məkanını tamamilə bağlayıb. Son gərginlikdən bəri 786 Pakistan vətəndaşı Hindistanı tərk edib və 1465 hindistanlı viza razılaşmaları ləğv edildikdən sonra evlərinə qayıdıb. Hava səyahətinə müvəqqəti qadağa Yeni Dehli ilə İslamabad arasında artan gərginliyi əks etdirən başqa bir tədbir idi.
Aprelin 22-də Hindistan Kəşmirində 25 turistin ölümü ilə nəticələnən terror aktından sonra Yeni Dehli İslamabada doğru bir sıra radikal addımlar atdığını, o cümlədən Hind Suları Müqaviləsindən çıxdığını, bu ölkədəki pakistanlılar üçün vizaların ləğvini və hindliləri Pakistanı tərk etməyə çağırdığını elan etdi. Buna cavab olaraq İslamabad hava məkanını Hindistan şirkətləri üçün bağlayıb və Hindistanla bütün ticarəti dayandırıb.
Xuraman Etibarlı
İnterpress.az
