Əfqanıstanın Kabil aeroportunda baş verən partlayışda ölənlərin sayı 170 nəfərə çatıb.
Hadisə nəticəsində təxminən 200 nəfərin yaralandığı bildirilir.
Mənbə: CBS
Əfqanıstanın Kabil hava limanında baş verən partlayışlar zamanı ölənlərin sayı 110 nəfərə çatıb.
Ölənlərdən 13-ü ABŞ hərbçisidir. Hadisə zamanı 1 338 nəfərin yaralandığı qeyd edilib.
Hadisə qurbanlarının bəzilərinin cəsədləri hələ də aeroport binasının yaxınlığında qalır.
Mənbə: “Əl-Cəzirə” telekanalı
10:44
Kabil hava limanı yaxınlığında törədilən partlayış nəticəsində ölən 103 nəfərdən azı 28-i “Taliban” hərəkatının üzvüdür.
“Reuters” agentliyi bu barədə “Taliban” rəsmisinə istinadən məlumat yayıb.
“Biz amerikalılardan daha çox insan itirmişik”, – deyə adı açıqlanmayan “Taliban” rəsmisi bildirib.
Xatırladaq ki, avqustun 26-da Kabil aeroportunun yaxınlığında iki terror aktı törədilib.
Son məlumatlara görə, hücumda 13-ü ABŞ əsgəri olmaqla 103 nəfər həyatını itirib.
