Kanada hökuməti Türkiyəyə satış etmək istəyən müdafiə sənayesi şirkətlərinə 2020-ci ildən bəri tətbiq etdiyi ixrac məhdudiyyətlərini qaldırdığını açıqlayıb. Bu barədə İnterpress.az xarici mediaya istinadən xəbər verir. Hökumətin rəsmi saytında ixracatçı şirkətlərə edilən açıqlamaya görə, məhdudiyyətlər artıq qüvvədə deyil.
Açıqlamada 16 aprel 2020-ci il tarixində müdafiə sənayesi ilə bağlı bəzi məhsulların Türkiyəyə ixracı üçün müraciətlərə rədd siyasətinin tətbiq olunmağa başladığı xatırladılıb və bu bildirişin edildiyi tarixdən etibarən mümkün rədd siyasəti artıq qüvvədə deyil.
Sursat siyahısı da daxil olmaqla ixracatçı qruplar tərəfindən Türkiyəyə ediləcək ixrac və broker icazələri üçün müraciətlərin Kanadanın risk qiymətləndirmə çərçivəsi çərçivəsində indi ayrı-ayrılıqda araşdırılacağı qeyd edilib.
Bəyanatda analoji beynəlxalq ixrac icazələrindəki standart ifadələr, habelə üçüncü ölkələrə satış zamanı təminat tələbləri və insan hüquqları qanunlarına bəzi istinadlar da yer alıb.
Kanada hökuməti 27 sentyabr 2020-ci il tarixində Ermənistanın işğalı altında olan Azərbaycan torpaqlarına qarşı başlayan və 44 gün davam edən İkinci Dağlıq Qarabağ müharibəsində Azərbaycanın yanında olduğu üçün Türkiyəyə silah embarqosu qoyub.
Kanada 2020-ci ilin oktyabrında Türkiyəyə müdafiə sənayesi ixracatına embarqo qoyub və Kanada texnologiyasının erməni mövqelərinə qarşı istifadə edilən türk pilotsuz uçuş aparatlarında istifadə edildiyini iddia edib.
Bu embarqo qərarı səbəbiylə Kanada şirkətləri 250-300 milyon dollar arasında ziyana uğradı və məhsullarının yeganə istifadəçisi olan Telemus Systems TAİ 2021-ci ilin ilk 7 ayında heç bir gəlir əldə edə bilmədiyi üçün müflis olub.
Ottava administrasiyası 2019-cu ildə Türkiyənin Suriyaya qarşı hərbi əməliyyatına cavab olaraq ilk embarqonu başlatdı, lakin tərəflər arasında yüksək səviyyəli danışıqların nəticəsi olaraq 2020-ci ilin iyununda bu qərarından geri çəkilib.
