Mədəaltı vəz xərçənginin ən erkən əlamətibackend

Mədəaltı vəz xərçənginin ən erkən əlaməti

  • whatsapp
  • messenger
  • telegram
  • vkontakte
  • odnoklassniki

Dünyada ən ağır xərçəng növlərindən biri mədəaltı vəz şişləridir.
Bu xərçəngdən sonra yaşama faizi çox azdır.

İnterpress.az xəbər verir ki, bu xəstəliyi erkən diaqnoz etmək üçün ilk siqnallara fikir vermək çox vacibdir.

Bu orqan o qədər kiçik və dözümlüdür ki, şiş böyüyüb orqanı tutmayana qədər əlamət vermir.

Doktor Debora Li mədəaltı vəzin təşviş yaradacaq simptomunu açıqlayıb.
Şişin yerləşməsindən asılı olaraq ilkin əlamətlərdən biri qaşınma ola bilər.

“65% xəstələrdə şiş orqanın baş, uc hissəsində olduğu üçün erkən mərhələdə qaşınma, dərinin qıcıqlanması ilk əlamət olur.

Belə ki, orqanın başında şiş olduqda o öd kisəsi və öd axarlarını sıxır, nəticədə ödün bağırsağa keçməsi əngəllənir, bilirubin qalxır və dəridə sarılıq və qaşınma başlayır.

Diaqnoz qoyulana kimi xəstələrdə qaşınma hissi bütün bədən boyu ola bilər.
90% xəstələr məhz sarılıq və qaşınma şikayəti ilə yoxlanışa gəlir.

Sarılıq zamanı gözlərin ağı da saralır.

Baxmayaraq ki, dəridə qaşınma birbaşa xərçəngi göstərməyə də bilər, amma qaşınma sarılıqla yanaşı gedirsə, öd və mədəaltı vəz yoxlanmalıdır.

Eləcə də bu xəstələr tualetdə nəcisə fikir verməlidir.

Əgər nəcis krem rəngi kimi ağımtıl, sidik isə çox tünd qəhvəyidirsə, təcili olaraq qastroenteroloqa gedin.

Mədəaltı vəz xərçənginin digər əlamətləri:

– Arıqlama
– Yorğunluq
– Titrəmə
– İshal, qəbizlik
– Bədəndə narahatlıq
– Həzmsizlik
– Qarının yuxarısında uzandıqda ağrı