Avstraliyada qocalar evində polis tərəfindən elektroşok tapançası ilə vurulan 95 yaşlı qadın ölüb.
Bu barədə İnterpress.az xarici mediaya istinadən xəbər verir.
Polis məmuru ehtiyatsızlıqdan sağlamlığa ağır zərər vurma ittihamı ilə hakim qarşısına çıxacaq. Kler Nouland ötən çərşənbə günü saat 04:00 radələrində əlində ət bıçağı ilə qocalar evinin ətrafında gəzirmiş.
Hadisə yerinə gələn polis yaşlı qadını elektroşok silahı ilə zərərsizləşdirib.
Qadının reanimasiya şöbəsinə aparıldığı və öldüyü açıqlanıb.
Yeni Cənubi Uels polisi (NSW) onun “ailəsi və yaxınlarının əhatəsində” öldüyünü bildirib.
Xanım Nowlandı güllələyən zabit hücumda ittiham olunub.
33 yaşlı veteran polis zabiti iyulun əvvəlində ehtiyatsızlıqdan sağlamlığa ağır zərər vurma, bədənə faktiki zərər vurma və xırda xəsarət yetirmə ittihamı ilə məhkəmə qarşısına çıxacaq.
Araşdırmalar davam edərkən, o, maaşla işindən uzaqlaşdırılıb.
Xanım Nowland Avstraliyanın paytaxtı Kanberradan təxminən 114 km cənubda yerləşən Cooma şəhərindəki qocalar evində yaşayırdı.
