Fələstin Telekommunikasiya Şirkəti Paltel səhər saatlarında Qəzza zolağında rabitə və internetin tamamilə kəsildiyini açıqlayıb. Bu barədə İnterpress.az yerli mediaya istinadən xəbər verir. Fələstin Telekommunikasiya Şirkəti Paltel X platformasında açıqlama verib.
Daha əvvəl bağlanmış beynəlxalq şəbəkənin yenidən kəsildiyini bildirən şirkətdən qeyd edilib: “Qəzza zolağında bütün rabitə və internet xidmətlərinin tamamilə kəsildiyini təəssüflə bildiririk”.
Oktyabrın 27-də İsrail ordusu ən şiddətli hava hücumlarından birini həyata keçirib. Güclü bombardmanlar nəticəsində Qəzzanı dünyaya bağlayan bütün kanallar məhv edilib.
Paltel şirkəti daha sonra Qəzzada kəsilən rabitə və internet xidmətinin tədricən bərpa olunduğunu açıqlayıb.
