Şimali Koreyanın BMT-dəki (BMT) Daimi Nümayəndəsi Kim Sonq Rusiyanın Ukraynaya hücumlarında Şimali Koreyadan aldığı raketlərdən istifadə etdiyinə dair iddiaları “əsassız ittihamlar” adlandırıb. Bu barədə İnterpress.az xarici mediaya istinadən xəbər verir. Şimali Koreya Mərkəzi Xəbər Agentliyinin (KCNA) xəbərinə görə, Şimali Koreyanın BMT-dəki daimi nümayəndəsi Kim, BMT Təhlükəsizlik Şurasının (UNSC) Şimali Koreya ilə Rusiya arasında silah transferini pisləyən qərarından sonra yazılı açıqlama verib. bunun BMT Təhlükəsizlik Şurasının qətnamələrinin pozulması olduğunu bildirib.
ABŞ-ın silah transferi ilə bağlı verdiyi açıqlamalara işarə edən Kim bildirib ki, ABŞ iki müstəqil suveren dövlət arasındakı legitim əlaqələri qeyri-qanuni etməyə çalışır. Şimali Koreya ABŞ-ın hər bir əsassız bəyanatına şərh vermək məcburiyyətində deyil.
Kim ABŞ-ın Şimali Koreyanı gündəmində olmayan bir məsələyə sürüklədiyini ifadə edərək, Rusiyanın Ukraynaya hücumlarında Pxenyandan aldığı raketlərdən istifadə etməsi ilə bağlı iddiaları “əsassız ittihamlar” adlandırıb.
Digər tərəfdən, Yonhap-ın xəbərinə görə, Cənubi Koreyanın Birləşmə Nazirliyinin sözçüsü Kim İn-ae deyib ki, hər iki ölkə bunu inkar etsə də, Şimali Koreya ilə Rusiya arasında silah ötürülməsi faktdır.
