Putin razılığa gəlməlidir. O, sövdələşməyə getməməklə Rusiya Federasiyasını məhv edir.
İnterpress.az xəbər verir ki, bunu ABŞ prezidenti Donald Tramp Ukraynadakı müharibə ilə bağlı deyib.
Tramp bildirib ki, Putin razılığa gəlməlidir, o, sövdələşməyə getməməklə Rusiya Federasiyasını məhv edir.
ABŞ-ın yeni prezidenti həmçinin bildirib ki, müharibə davam edərsə, Rusiya “böyük bəla” ilə üzləşəcək.
“Bəli, mən Zelenski ilə danışardım. Amma o, mənə müqavilə bağlamaq istədiyini söylədi. Yəni, Zelenski sövdələşmə etmək istəyir. Bilmirəm, Putin bunu istəyir, ya yox. Ola bilər ki, istəyir, bəlkə də istəmir. Bilmirəm, düşünürəm ki, o, Rusiya Federasiyasını sövdələşmədən məhv edəcək.
Onların iqtisadiyyatına baxın, Rusiyada inflyasiyaya baxın. Ona görə də ümid edirəm ki, o və mən (Putin) yaxşı münasibət quracağıq və biz ümumi dil tapacağıq”, – Tramp deyib.
Xuraman Etibarlı
İnterpress.az
