Ukraynada hərbi əməliyyatların Milad bayramına qədər dayandırılması ehtimalı var.
İnterpress.az xəbər verir ki, bu barədə Ukrayna Ali Radasının deputatı Yuri Kamelyçuk bəyan edib.
O deyib ki, ölkədə davam edən hərbi əməliyyatların Milad bayramına qədər dayandırılması ehtimalı mövcuddur.
Onun sözlərinə görə, bu, həm Ukrayna daxilində, həm də beynəlxalq müstəvidə aparılan diplomatik səylərin nəticəsi ola bilər.
Deputat bildirib ki, son aylar həm Qərb ölkələri, həm də bir sıra neytral dövlətlər sülh təşəbbüslərini intensivləşdiriblər.
Kamelçukun fikrincə, bu proseslər müəyyən razılaşmaların əldə olunmasına və qarşıdurmanın azaldılmasına gətirib çıxara bilər.
Bununla belə, o qeyd edib ki, vəziyyət hələ də çox həssasdır və tərəflər arasında etimadın bərpası üçün vaxt lazımdır.
Deputat vurğulayıb ki, Ukraynanın əsas məqsədi suverenliyini və ərazi bütövlüyünü qorumaq, eyni zamanda, dinc həll üçün bütün imkanlardan istifadə etməkdir.
Kamelçukun açıqlaması Ukrayna cəmiyyətində və mediada geniş müzakirələrə səbəb olub.
Bir çox analitiklər hesab edir ki, Miladadək atəşkəsin əldə olunması ümidverici olsa da, bunun üçün həm Kiyev, həm də Moskva tərəfindən real siyasi iradə nümayiş etdirilməlidir.
Xuraman Etibarlı
İnterpress.az
