“Uşaq və Yeniyetmələrə Dəstək” (UYD) ictimai birliyi və Azərbaycan İncəsənət Məktəbinin birgə təşəbbüsü ilə “1 iyun Uşaqların Beynəlxalq Müdafiəsi Günü”nə həsr edilmiş seminar təşkil olunub.
İnterpress.az xəbər verir ki, seminarın məqsədi 6-10 yaşlı uşaqlar arasında “Uşaq hüquqları” haqqında məlumatlılığın artırılmasından ibarət olub. Seminar uşaqların maraqları əsasında praktiki oyun və tapşırıqlar ilə interaktiv təlim metodlarına uyğun hazırlanıb.
Qeyri-formal təhsil yanaşmalarına əsaslanan seminarı Avropa Şurası Gənclər Departamentinin və Azərbaycan Respublikasının Gənclər və İdman Nazirliyinin birgə icra etdiyi “Azərbaycanda gənclərlə işləyən Təlimçilər üçün uzunmüddətli Təlim (TRAYAZE)”də təmsil olunan təlimçilər-Mir Hüseyn Həbibli, Mələk Sultanlı və Fərhad Abdulov keçiblər.
Seminarın sonunda iştirakçılar sertifikatla təltif olunub, xatirə şəkli çəkdirilib.
