Yaponiya Bankı (BoJ) 2007-ci ilin fevralından bəri ilk faiz dərəcəsi artımına hazırlaşır və bu, böyük şirkətlər və həmkarlar ittifaqları bu il əhəmiyyətli əmək haqqı artımına razılıq verdikdən sonra, uzunmüddətli monetar yumşalma siyasətində dönüş nöqtəsini qeyd edir.
Bu barədə interpress.az xarici mediaya istinadən xəbər verir.
Dünyanın aparıcı mərkəzi bankları ABŞ Federal Ehtiyat Sistemi (FED) Avropa Mərkəzi Bankı (ECB) və İngiltərə Bankı (BoE) epidemiyadan sonra rekord səviyyələrə yüksələn inflyasiyanın qarşısını almaq üçün faiz dərəcələrini artırıb.
Yaponiyada həmkarlar ittifaqları və işəgötürənlər arasında “Şunto” adlı yaz əmək haqqı danışıqlarında güclü maaş artımı ola biləcəyinə dair işarələrdən sonra, BoJ-nin 2007-ci ilin fevral ayından bu yana ilk faiz artımını edə biləcəyi və mənfi siyasətlə qiymət verilməyə başlanıb.
Bankın inflyasiya çətinlikləri və qiymət sabitliyini təmin etmək istəyi səbəbiylə mənfi faiz dərəcələrindən çıxa biləcəyi gözləntiləri ilə bütün diqqətlər BOJ-un 18-19 mart tarixlərində keçiriləcək pul siyasəti toplantısındadır.
Bəzi analitiklər BoJ-nin gələn həftə bir siyasət addımı atacağını gözləsələr də, bankın həmkarlar ittifaqları və işəgötürənlər arasında əmək haqqı danışıqlarını dəyərləndirməsi və aprel ayında ilk faiz artımını həyata keçirməsi ehtimalı da müzakirə edilir.
