Bu barədə AMEA Mərkəzi Elmi Kitabxanasının direktor müavini, diaspor üzrə araşdırmaçı-ekspert Elnur Eltürk İnterpress.az-a məlumat verib. O bildirib ki, hazırda Azərbaycan dilində olan “Vikipediya”da 150 minə yaxın məqalə var. Ardıcıl olaraq xarici dillərdəki “Vikipediya”larda da məqalələr yaradılır və redaktə olunur. “Vikipediya” Metodik Mərkəzinin könüllüləri tərəfindən məqalə yaradılması və yerləşdirilməsi prosesi uğurla davam edir. Könüllülərin işi məqalə yazıb onu redaktə etməkdir. Fəal istifadəçilər və idarəçilər isə yeni yaradılan məqalələrə nəzarət edirlər.
İnterpress.az
