İnterpress.az xəbər verir ki, Firudin Ağasıoğlu “Tənzilə Rüstəmxanlının təqdim etdiyi imza vərəqələri çox gülməli bəhanə ilə təsdiq edilməyib. Vallah, ayıbdır. 15 il öncə buna oxşar bir olay mənim də başıma gəlmişdi. Məhkəməyə şikayət etdim, hakim gələnə qədər bir cavan prokuror mənə yaxınlaşıb, pıçıltı ilə dedi ki, bəy, qurban olum, uşaqlarımın çörəyinə bais olma, mənə tapşırıblar ki, əgər sənin əleyhinə danışmasam məni işdən qovacaqlar, məni bağışla….
Bax, əsl rəzalət budur. Tənzilə xanımı ayrıca təqdim etməyə ehtiyac yoxdur. Elə 5-6 ay öncə mənim müalicəmlə bağlı prezidentə etdiyi müraciətilə müsbət həll olunan olayı xatırlayın. Neçə illərdir Tənzilə xanımı yaxından tanıdığım üçün dəqiq bilirəm ki, ən kritik məqamda yüzlərlə adama əl tutub. Hələ onun ictimai aktivliyini, daima dövlətçiliyimiz yolunda verdiyi mücadiləni, müxtəlif ölkələrin telekanallarında gördüyümüz cəsarətli çıxışlarını demirəm.
Əgər deputat olmaya-olmaya MM-də oturan deputatlardan çox iş görən bir xanıma millət vəkili olmağa mane olurlarsa, bəs onun əvəzinə ora kimi salacaqlar?” deyə bildirib.
İnterpress.az
