İnterpres.az “Ria Novosti”-yə istinadən xəbər verir ki, bu barədə Serbiya prezidentinin mətbuat xidməti bildirib. “Biz Rusiyaya qarşı sanksiyalar tətbiq edə bilmərik. Biz Rusiyaya da, ABŞ-a da bağlıyıq, bu ölkələrdə çoxsaylı serb icması yaşayır”, – deyə Nikoliç bildirib. Qeyd edək ki, ABŞ-ın vitse-prezidenti Cozef Bayden avqustun 15-dən 17-dək Serbiya və qondarma Kosovo Respublikasında səfərdədir. Məlumata görə, Bayden-Nikoliç görüşü qapalı şəraitdə keçirilib. Mətbuat xidmətinin məlumatına əsasən, Bayden, Vaşinqton Belqradın ABŞ və Rusiya arasında seçim edəcəyini gözləmədiyini və Serbiyanı avrointeqrasiya yolunda dəstəklədiyini bildirib.
Serbiya Rusiyaya qarşı sanksiya tətbiq etməyəcək
