Baxmayaraq ki, bu meyvə zahirdən o qədər də cazibədar görsənmir, onun içi əsl xəzinədir. Kivi haqqında çox danışılır, lakin hər kəs onu öz rasionuna daxil etməyə tələsmir və buna görə də bir çox faydalı maddələrdən yararlana bilmir. Əslində kivi meyvəsində həm sağlam, həm də xəstə orqanizmın tələb etdiyi maddələr olduğu üçün, ona hamı ehtiyac duyur.
Kivinin mənşəyi
Kivinin tarixi Qədim Çindən başlayır, bu qiymətli giləmeyvə məhz orada icad olunub. Bəli-bəli, biz öyrəşdiyimiz kimi meyvə deyil, məhz giləmeyvə. Əvvəlcə meyvə “Çin motmutusu” adlandırılıb, sonralar isə onu Yeni Zelandiyaya gətiriblər və ölkənin simvolu olmuş kiçik kivi quşunun şərəfinə adlandırıblar.
Bu gün kivi meyvəsiylə artıq heç kəsi təəccübləndirmək olmaz, bu bizim gündəlik rasionumuzun hissəsi ola biləcək adi bir məhsuldur. Kivini Fransa, İsrail, Kaliforniya, Yeni Zelandiya və İtaliyada istehsal edirlər. O bütün dünyada məşhurdur.
Kivinin faydalı xüsusiyyətləri
Bu kiçik, amma çox zəngin meyvə demək olar ki, qiymətsizdir. Onda böyük miqdarda C, B1, B2, E, PP vitaminləri mövcuddur. Həmçinin kivinin tərkibində sellüloz, kalium, maqnezium, dəmir, fosfor və kalsium var. Əvvəl çoxları düşünürdülər ki, bu meyvənin tərkibində yalnız C vitamini var, amma indi biz əminik ki, o öz tərkibinə görə unikaldır.
Pəhriz üçün kivi
Öz aşağı kalorililiyinin, az miqdarda şəkərin və böyük miqdarda sellülozun sayəsində, kivi pəhriz zamanı əsas məhsul kimi məsləhət görülmüşdür. Onun kalorililiyi çox aşağıdır və 100 qram kividə təxminən 60 kkal var.
Hər gün səhər və şam yeməyindən əvvəl 1-3 ədəd kivi istifadə edərək, arıqlamada gözəl nəticələrə nail olmaq olar. Çünki, bu məhsulun sayəsində piylərin əridilməsi prosesi sürətlənir, orqanizm öz növbəsində lazımlı enerji miqdarını əldə edir, həzm prosesi yaxşılaşır və insan daxildən rahatlıq hiss etməyə başlayır.
Kivini şirniyyatların yerinə gün ərzində şirə şəklində də istifadə etmək olar.
Kivi ilə sağlamlığın sirri
Bu möcüzəli giləmeyvə orqanizmi tonusda saxlamaq üçün praktiki olaraq hər kəsə tövsiyə edilir. Kivi soyuqdəyməyə qarşı gözəl vasitə hesab edilir, onu ürək-damar xəstəlikləri zamanı, qanın laxtalanması üçün, piylənmələrə qarşı istifadə edirlər. Kivi hipertoniyadan əzab çəkən insanlara da tövsiyə edilir.
Kivi ilə gözəllik sirləri
Kivi həm də əla kosmetik vasitədir. O dərini əla təmizləyir, təravətləndirir və canlandırır, onu elastik və parlaq edir. Kivi ev şəraitində hazırlanan bir çox maskalara əlavə olunur.
Kivinin istifadəsi zamanı əks göstərişlər
Kividən həzm yolu və mədənin yüksək turşluğu kimi xəstəliklərdən əziyyət çəkən insanlara istifadə etmək olmaz. O həmçinin allergik reaksiya verə bilər (xüsusilə uşaqlarda). Buna görə öz rasionunuzda kividən ehtiyyatla istifadə edin.
Kivini necə seçmək lazımdır?
Kivinin yetişmiş meyvəsi bir az yumşaqdır. Yetişmiş giləmeyvənin dadı turşməzə və şirindir. Əgər meyvə bərkdirsə, deməli, o hələ yetişməyib. Ancaq onu günəş şüalarınından uzaq ev temperaturunda da yetişməyə qoymaq olar. Çox yumşaq meyvə demək ki, çox yetişmişdir və tamamilə dadlı deyil, ona görə onu almaq lazım deyil. Kivini həm otaq temperaturunda həm də ki soyuducuda saxlamaq olar.
İnterpress.az sizə kivinin qabığını ev şəraitində tez və rahat təmizlənməsini təqdim edir:
İnterpress.az
