Nəqliyyat Nazirliyi Nəqliyyatı İntellektual İdarəetmə Mərkəzindən (NİİM) İnterpress.az-a verilən məlumata görə, paytaxtın 4 prospekti və 11 küçəsində “yaşıl dalğa”nın tətbiqinə başlanılıb.
“Yaşıl dalğa”nın tətbiq olunduğu küçə və prospektlər aşağıdakılardır:
Abbasqulu ağa Bakıxanov küçəsi, Rəşid Behbudov küçəsi, Tbilisi prospekti, Üzeyir Hacıbəyov küçəsi, Zərifə Əliyeva küçəsi, Akademik Həsən Əliyev küçəsi, Alfred Nobel prospekti, Hüseyn Cavid küçəsi, Bülbül prospekti, Səməd Vurğun küçəsi, Cəfər Cabbarlı küçəsi, Hənifə Ələsgərova küçəsi, Təbriz küçəsi, Abbas Mirzə Şərifzadə küçəsi, Qara Qarayev prospekti.
Xatırladaq ki, yeni tədris ilinin başlanması ilə əlaqədar olaraq paytaxtdakı təhsil müəssisələrinin yerləşdiyi ərazilər müəyyən olunub və “yaşıl dalğa”lar daha çox məhz orada tətbiq olunur. Bu ərazilərdə avtomobillərin sayı həddindən artıq çox oduğundan avtomobillərin dayanmaması, sıxlığın və tıxacların yaranmaması üçün “yaşıl dalğa” əmri daha çox bu yerlərdə tətbiq olunur.
İnterpress.az
