“Hər şeyin yerini bilmək lazımdır. İnsan yaş artdıqca müdrik olmalıdır”.
İnterpress.az xəbər verir ki, bu sözləri Xalq artisti Zülfiyyə Xanbabayeva deyib.
Şəxsi “Instagram” səhifəsində paylaşım edən sənətçi verilişlərdən birinə səsləndirdiyi qalmaqallı fikirlərinə bunları da əlavə edib:
“Etmə bunu! Bu, kənardan qeyri-peşəkar görünür. Səhnə adamı cəsarətli olmalıdır. İşə gələndə ümumiyyətlə soyuğu, aclığı unudursan. Dinlədiyimiz ifalar da var. Amma indi bilirsiniz ki, trenddə başqa şeylərdir. O qədər baha geyinib və heç bir şeyi təqdim edə bilməyənlər var ki… Özümü həm itirdim, həm də tapdım. Onun üçün də əziz tamaşaçılar, zövqünüzü düzəldin”.
