Aramsız yağan güclü qar Lerik rayonunda bir sıra fəsadlar törədib.
Bu barədə İnterpress.az-ın redaksiyasına məlumat daxil olub.
Bildirilib ki, hazırda yağan güclü qar səbəbindən rayonun Veri kəndində çox acınacaqlı vəziyyət yaranıb.
Qeyd olunub ki, qar örtüyünün hündürlüyü bir metri keçib və buna görə də rayonun bir sıra kəndləri ilə rayon mərkəzi arasında yol hərəkəti tam bağlanıb.
Beləliklə, rayonun bəzi kəndlərində nəqliyyatın hərəkəti iflic olub.
