Məşhur “Xaç atası” filminin prodüseri Qrey Frederikson 85 yaşında ABŞ-da vəfat edib.
Bu barədə “The Hollywood Reporter” məlumat yayıb.
Uzun müddətdir xərçənglə mübarizə aparan Frederiksonun ölümü xəbərini nəşrə onun həyat yoldaşı verib.
Frederikson rejissor Frensis Ford Koppola ilə “Xaç atası” trilogiyasında və Vyetnam müharibəsi barədə film “Apocalypse Now”da işləyib. O, “Xaç atası” trilogiyasında ikinci filmin prodüseri kimi Akademiya Mükafatını qazanıb.
