İsrail, epidemik xəstəliklərin öz ərazisinə keçməsinin qarşısını almaq üçün oktyabrın 7-dən bəri ilk dəfə olaraq Qəzza zolağına yanacaq girişini qəbul etdiyini açıqlayıb. Bu barədə İnterpress.az xarici mediaya istinadən xəbər verir. Nazirlər Kabineti ABŞ-ın tələbi çərçivəsində hər gün iki yanacaq tankerinin cənub bölgəsinə daxil olmasına icazə verilməsi təklifini yekdilliklə qəbul edib.
Bildirilib ki, yanacaq Birləşmiş Millətlər Təşkilatının (BMT) bölgədə su və kanalizasiya infrastrukturunun dəstəklənməsi ehtiyaclarını ödəmək üçün istifadə olunacaq.
Bəyanatda bu addımın Həması məhv etmək üçün İsrailə lazımi beynəlxalq manevr sahəsi təmin etdiyi ifadə edilib və əlavə edilib: Tankerlər BMT vasitəsilə Rəfah Sərhəd Qapısından Qəzza zolağının cənubundakı mülki əhaliyə çatdırılacaq.
